Alimentación saudable

Dentro do Proxecto Documental Integrado deste curso "Alimentación saudable" acabamos de levar a cabo dúas actividades.

Almorzos saudables.
Con esta iniciativa trátase de contribuír ao  desenvolvemento persoal e integral do alumnado nun momento importante na promoción da saúde.O alumnado puido coñecer diferentes tipos de almorzos e a importancia de alimentarse ben de xeito variado cunha dieta equilibrada e variada.

Despois dunha pequeña charla ao respecto,  os nenos e nenas disfrutaron dun almorzo de tipo mixto e remataron con outra charla informativa sobre a importancia da hixiene persoal, a saúde buco-dental e a técnica do cepillado, a cargo dunha técnica da Consellería de Sanidade.

Desde aquí o noso agradecemento a Supermercados Froíz pola súa colaboración na adquisición dos productos necesarios para a realización destes “almorzos saudables”.

Podedes ver as fotos aquí.

Froitas frescas na escola.

Esta foi a derradeira semana do progama "Froitas frescas na escola" co que todo o alumnado do colexio disfrutou dunha peza de froita diferente cada día da semana, para tomar no recreo. 

 Podedes ver máis fotos aquí.

24 de febreiro: Día de Rosalía

O mércores 24 de febreiro celebramos o Día de Rosalía, a escritora máis importante das nosas letras galegas, e na aula de Educación Infantil quixemos facerlle esta homenaxe.

                        

Visitamos a Panadería Acuña

"Os nenos de infantil e de primeiro fomos á panadería Acuña.
Ensináronnos a fariña e o fermento, a masa e os fornos.
Fixemos pan e déronnos napolitana de chocolate."

Naira García e María Vilas, 1º curso

 

Queremos agradecer a Raquel, a nosa anfitrioa, e aos demais traballadores e traballadoras da panadería e o forno de Acuña a súa simpatía e amabilidade c@s nos@s alumn@s.

Podedes ver as fotos premendo aquí.  

Chegou o Entroido

E este ano foi de froitas, polo tema do noso Proxecto Documental dedicado á alimentación saudable. Todos os nenos e nenas, as profes e algunhas nais disfrazáronse. 

Había mazás, fresas, piñas, plátanos, peras, sandías, laranxas… e ata recolectoras de froitas. Pasámolo moi ben e outro ano máis puidemos degustar os doces destas datas feitos polas familias e  a chocolatada realizada no colexio. Divertímonos moito,  nais incluídas,  que tamén desfilaron e disfrutaron xogando ás sillas musicais.

Queremos agradecer ás familias a súa colaboración tanto na realización dos doces de entroido como na confección dos disfraces. E salientar o inestimable traballo feito polas nais da ANPA que horas e horas, durante moitos días estiveron deseñando, cortando e mesmo vindo ás clases a axudarlles aos nenos e ás nenas a montar e rematar os traxes. Elas encargáronse dos disfraces de TODO o alumnado do centro, preocupándose  porque ningún neno quedase sen traxe.

E non soamente levaron a alegría e a cor ao colexio senón que o pasearon no desfile do Entroido de Marín, no que acadaron un meritorio 4º premio na categoría de grupos. PARABENS!!!

GRAZAS POLO VOSO ESFORZO E COMPROMISO DESINTERESADO CON ESTE CENTRO QUE É O VOSO CENTRO.

 Podedes ver máis fotos premendo aquí.