Outono!!!

Coa chegada do outono caen as follas das árbores, é tempo de castañas, cabazas ... E como non, na Biblioteca do Checho, non podía fallar unha enchente de libros dedicados a esta estación.

Non te esquezas de visitar a biblioteca para botarlles unha ollada!!!

Mentres tanto, aquí vos deixamos o conto "Corre corre, cabaciña" da Editorial OQO, que de seguro xa coñecedes...

        

11 de outubro: Día Internacional da Nena

"Superlola", unha nena valente que quere ser superheroína, soña cun mundo mellor no que todas as nenas e nenos sexan libres para ser o que queiran...

Conto creado e escrito por Xema Otero Gutiérrez. Ilustrado e animado por Juan Antonio Muñoz Berraquero. Música producida por Shrimpy. Narrado por Lola Núñez Otero (SuperLola).

Este ano, o Día Internacional da Nena, que se celebra o 11 de outubro, céntrase no tema "Empoderar ás nenas: antes, durante e despois das crises". Con este Día Internacional quérese fomentar cada ano o recoñecemento dos dereitos das nenas e dar a coñecer á opinión pública os problemas excepcionais que afrontan en todo o mundo.

Aquí vos deixamos o vídeo de ONU Mulleres para a conmemoración do Día Internacional da Nena:

  

Préstamo de contos a Infantil

A semana pasada os nenos e nenas de 4-5 anos comenzaron a levar para casa contos da Biblioteca de Checho. Cando esta semana os trouxeron de volta viron emocionados con eles, xa que, disfrutaron xunto cos seus pais e nais da lectura e da actividade que fixeron xuntos onde tiñan que debuxar a parte do conto que máis lle gustou... estivemos vendo todos esos debuxos e falando dos libros que tanto lles gustaron...

GRAZAS CHECHO!!!

Contacontos en Pontevedra

O vindeiro Venres día 6, ás 18.00h, na Biblioteca Pública de Pontevedra estará Pavís Pavós. A partir dos 3 anos poderemos disfrutar deste grupo de contacontos que recupera nas súas sesións o xeito tradicional de narrar as nosas historias, pero tamén as nosas adiviñas, refráns ou xogos para que non desaparezcan e a entrada é de balde ata completar aforo.

Imaxe da web da Biblioteca Pública de Pontevedra
Preme na foto para acceder á información

É unha oportunidade de disfrutar en familia dunha actividade divertida e á vez educativa...

Mmmm..."Froita e Iogur"!!!

Este curso, continuamos traballando os hábitos alimenticios saudables asociando un día do tempo de lecer cun alimento natural.

Lembra, os luns seguimos celebrando o "Día do Iogurt".

Asemade, os mércores dedicámolo á froita!!!

Xa sabedes, se sans queredes medrar, froita e leite tedes que tomar!!!

Iniciación á robótica e á lectoescritura

Os nenos e nenas de 4-5 anos de educación infantil, están a descubrir a robótica. Na aula teñen un Bee Bot, un robot-abella. Aínda están coñecendo as súas  posibilidades, que son moitas, entre elas, vainos axudar na iniciación á lectorescritura e á comprensión lectora.

Se queredes saber máis ou ver outras fotos da experiencia coa robótica, preme no seguinte enlace:

 https://aprofebelen.blogspot.com.es/2017/09/descubrimos-robotica.html

A quen lle amarga un doce???

Dende o CEIP "A Carballeira", agradecemos enormemente o recoñecemento ao esforzo diario da nosa labor en prol dunha educación de calidade, igualdade e inclusión.

Artigo Diario de Pontevedra 27/09/2017

Encheunos de felicidade ler este artigo. Abofé que continuaremos con esta liña de traballo que tanta ledicia nos achega!!!

Xornada de formación de Usuarios e Colaboradores

Como ben sabedes, o vindeiro luns 2 de outubro, comezamos co servizo de préstamo na Biblioteca do Checho. Para lembrar as normas de funcionamento da Biblioteca, hoxe realizamos unha xornada de formación dirixida aos usuarios e aos colaboradores que nos van visitar.

Comezamos a sesión coa visualización dun vídeo resumo das normas. Aquí volo deixamos, por se queredes botarlle de novo unha ollada...

Colaboradores de Biblioteca 2017/18

Presentámosvos aos compañeiros e compañeiras de 5º e 6º de Primaria que neste curso 2017/18 van colaborar na organización e funcionamento da Biblioteca.

Moitas grazas Ariadna, Yaiza, Rubén Montoya, Gabriel, Sergio Veiga, Rocío, Antonio, Rubén Collazo, Manuel, Inés, Yomara, Sergio Piñeiro, Rafael, Diego, Pedro e Irene; por prestarvos a dedicar parte dos voso tempo de lecer axudando na Biblioteca.

De seguro ides facer un traballo fabuloso!!!

Xa estamos de volta!!!

Benvidos e benvidas de novo!!!
Comezamos novo curso e con el teremos unha morea de novidades na Biblioteca do Checho.

O Berberecho Checho xa anda argallando das súas... Así que xa sabes, pásate pola nosa Biblioteca.
Agárdámosvos!!!

Memoria Gráfica PLAMBE 2016/17 e Revista escolar 16/17

Aquí tedes a  Memoria Gráfica da Biblioteca e a Revista Escolar 2016/17. 

Nelas aparecen todas as actividades que organizamos e coordinamos o Equipo de Biblioteca e o Equipo de Dinamización da Lingua Galega para desenvolver os diferentes proxectos de Innovación Educativa que levamos a cabo no centro neste curso ( Plan Proxecta, Proxecto ABALAR e EDIXGAL, Proxecto de fomento de uso do galego, Plan de Mellora das Bibliotecas Escolares, PROA).

Botádelle unha ollada!!! 

Non queremos esquecernos de dar as grazas a todos (alumnado, familias, entidades externas ao colexio e, como non, mestres e mestras) que co voso labor e apoio incondicional fixéstedes posible o desenvolvemento de todas as actividades que aquí vos presentamos.

Bo verán. Ata a volta!!!

Rematamos o curso cun pequeno acto conxunto, onde familias e colexio compartimos recordos, emocións, e gargalladas visualizando fotografías. Tamén houbo agradecementos  e despedidas.

R2 Fernan2

Onte, os nenos e nenas de Primaria, tivemos un primeiro contacto co mundo da robótica da man do robot R2 Fernan2.

Preparamos un circuíto pechado con obstáculos.

Observamos como o robot, programado con anterioridade polo mestre, era capaz de esquivar os atrancos e continuar a súa marcha.

Foi un éxito rotundo, senón xulgade vós mesmos...

Isto é só o comezo dun novo proxecto que tentaremos iniciar o vindeiro curso...

Despedida alumnado de 6º de Primaria!!!

Remata o curso e con el chegan as despedidas. Os compañeiros e compañeiras de 6º quixeron compartir unhas verbas connosco a través desta bitácora. 

Educación Viaria

O venres 16 de xuño, os rapaces e rapazas de 5º de Primaria participamos na última sesión da campaña de formación  "Educación Vial" organizada polo Concello de Pontevedra. 

Mochilas viaxeiras!!!

Velaquí vos deixamos os últimos traballos das Mochilas Viaxeiras realizados en familia!!!

Pincha na imaxe para ver todos os traballos

Grazas a todos e todas pola vosa participación ao longo deste curso.

Publicación das Gravacións "Dálle á Lingua"

Xa están publicadas na web de Onda Cero Radio as últimas gravacións realizadas no colexio para o programa "Dálle á Lingua" a comezos de xuño.

Se che apetece escoitar os audios, velaquí tes o enlace:

Pincha na imaxe para acceder ás gravacións

Lembrade, nesta ocasión, relatamos un estudo realizado sobre o festival de Eurovisión, recitamos a obra "Os vellos non deben namorarse", explicamos en que consisten os Maios, falomos dos alimentos e lemos un conto inventado titulado "A caixa máxica".

Foi unha experiencia fantástica!!!

Simulacro de evacuación!!!

O venres 9, realizamos no colexio, como cada curso escolar, un simulacro de evacuación. A finalidade de facer estes exercicios prácticos é familiarizarnos coa maneira de actuación ante unha situación de emerxencia, ademais de comprobar a viabilidade do Plan de Autoprotección do Centro.

Neste simulacro puidemos contar coa colaboración do Servizo de Bombeiros do Concello de Pontevedra que, ademais de supervisar todo o proceso, fixérono máis real, xa que tiveron que “salvar” a dous alumnos que “quedaron atrapados” nas aulas. 

Eles farán unha valoración que nos axudará a detectar os posibles erros cometidos na evacuación e poder mellorar así o noso Plan de Autoprotección. 

Desde aquí, agradecemos a súa colaboración.

Sesión de Skype co CEIP Froebel

Este venres, 9 de xuño, o alumnado de 5º e 6º de Primaria participamos nunha videochamada cos nenos e nas do colexio Froebel. 
Despois de varios días preparando os temas que iamos expoñer e as preguntas que lles iamos realizar..., chegou o día!!! 

Aínda que ao principio tivemos algúns problemas técnicos, axiña foron solucionados. 

Vimos a profesora Rosa!!! ... e conversamos un pouquiño con ela. 
A continuación, empezamos a dialogar cos rapaces e rapazas. Compartimos experiencias educativas, explicámoslles o noso traballo "Euroviseando" e falámoslles dos nosos coñecementos sobre a "Festa dos Maios". 
Pola contra,  eles contarónnos a súa experiencia sobre o intercambio que fixeron con algúns alumnos de Italia. Fixémonos uns aos outros preguntas sobre o colexio, os traballos, experiencias ...





Con esta videochamada... ríiiiimonos moito!!!

Grazas compañeiros e compañeiras do CEIP Froebel. Foi pracenteiro estar en tan boa compaña!!!

Sara e India 6º

Alumnado-enquisa Plan Proxecta 2016-2017

Devoradora de libros de maio... Ariadna!!!

Case a piques de rematar o curso, presentámosvos a lectora do mes e, polo tanto, devoradora de libros do mes de maio... Ariadna!!!

Parabéns Ariadna!!!

Volvemos gravar... "Dálle á Lingua"!!!

O pasado venres, Onda Cero Radio retornou ao colexio co fin de realizar novas gravacións para o seu programa "Dálle a Lingua".

Nesta ocasión, falamos sobre "A caixa máxica 2", o PDI "Vexetais", "A festa dos maios", o traballo de investigación "Euroviseando" e o libro"Os vellos non deben namorarse".

En canto sexan publicados na web da radio estes novos audios, avisarémosvos. Estade atentos!!!

Presentación PDI "Alimentación Saudable"

Ao longo deste curso, traballamos a "Alimentación Saudable", centrándonos nos alimentos de orixe animal pero sen esquecernos da importancia dos alimentos vexetais.

Coa finalidade de que coñezades o traballo realizado no colexio sobre os alimentos, aquí vos deixamos as presentacións dos diferentes niveis.

1º- 2º de Primaria: "Semáforo dos alimentos", receita sa "Biscoito de Iogur".

   

3º Educación Primaria: "Vexetais"

   

4º Educación Primaria: "Alimentos en conserva"

   

5º Educación Primaria: "A carne"

6º Educación Primaria": "Aceite de palma", "Dietas Milagre" e "Bolería Industrial".
    

Educación Infantil: "Os lácteos"

    
Grazas a todos os que participástedes (alumnado, profesorado, familias, comedor, entidades ...) a través das diferentes actividades (obradoiros, certames, contacontos ....). Foi un pracer contar convosco!!!

Máis agasallos para a Biblioteca do Checho!!!

Francisco, o noso compañeiro de 6º de Primaria, agasallou á Biblioteca do Checho cunha manchea de revistas para todas as idades e libros para os primeiros lectores.

Moitas grazas Francisco pola túa achega!!

Creacións VII Certame Literario

Acabamos de publicar no blog de escrita,"Enfiando palabras", todos os traballos achegados para o VII Certame Literario.

Pincha na imaxe para acceder á entrada

Botádelle unha ollada!!!

Visita ao mercado de Pontevedra

O pasado xoves, visitamos o mercado de Pontevedra da man de "O Ganapán", o espazo infantil da praza de abastos.

Alí coñecemos o mercado de abastos, o edificio e a xente que traballa nel.

Despois da  visita participamos nun obradoiro de manualidades. Creamos unha flor de papel.

Pincha AQUÍ para ver todas as fotos

Foi unha experiencia fantástica na que aprendemos moitísimo!!!

Por fin chegou o día!

Despois de que os nenos de 3º a 6º leran o libro en cadansúas aulas e llelo narraran aos meniños, fixeran caricaturas dos personaxes e contaran a historia por medio de debuxos..... chegou o día!

Fina Casalderrey, a autora do libro "Gordiño Recheo", que traballamos durante todo o curso, estivo no noso centro o venres 26 de maio.

Falounos de feitos que lle aconteceran durante a súa nenez e de como empezou a escribir.

Díxonos que o libro "Gordiño Recheo" xurdiu cando lle pediron que intentara concienciar aos nenos da importancia dunha boa alimentación.

Antes de que os nenos lle fixeran preguntas, fíxoos partícipes das súas verbas.

E para finalizar a visita, firmoulles o libro a todos aqueles que quixeron.

Euroviseando!!!

O pasado venres 15 de maio, os alumnos de 6º de Primaria expuxemos os traballos de investigación que realizamos sobre algúns dos países participantes no Festival de Eurovisión, celebrado o 13 de maio en Kiev.

Para esta actividade organizamos parellas, a cada grupo asignóuselle un país distinto. Cada un facía unha parte, que podía ser tanto xeográfica como musical. Na parte xeográfica, buscamos onde se situaba o pais, cantos habitantes tiña... Na musical, cantas veces ganara eurovision, cando ganara, con quen...

Os grupos foron os seguintes:

India e Francisco: Suecia.

Sara e Aarón: Israel.

Iker.U e Iker.L: Noruega.

Foi moi divertido traballar en grupos e coñecer máis a fondo algúns países. Invítovos a realizar eta actividade nas vosas aulas!!!

Aarón, Sara e India 6º EP

Velaquí tedes os traballos presentados:

        

Cóntame un conto!

Seguindo coas actividades das Letras Galegas, esta semana os máis pequenos tiveron uns contacontos moi especiais: os alumn@s de 6º.

O luns comezou Fran, co conto "Elmer outra vez".
O martes foi a quenda de Iker e Sara coa marabillosa historia "O Valente coello que quixo soñar".
O mércores foi Iker quen se encargou de contar "O segredo do rei Curro".
E o xoves foron Aarón, India e Rafa os que se encargaron de contar un fantástico clásico da literatura infantil: "Rato de campo e rato de cidade".

E para pechar a semana, veu a nai de Bea a contarnos "Bágoas debaixo da cama", encandeando aos máis pequenos.

             

Que ben o pasamos! Moitas grazas!

Hora de ler ... Gordiño Recheo

Hoxe, os nenos e nenas de 1º e 2º de Primaria, rematamos de ler o libro Gordiño Recheo. 

Tivemos a sorte de poder escoitar as narracións das compañeiras de 3º: Shaenia, Noa e Sabela. Léronnos os capítulos 18 "Andrea Macarrón e Angustias Groso en Gran Canaria", 19 "Saleta e Poli, detectives" e 20 "Quería saber se son obeso".

Logo, nós coa axuda da mestra, realizamos unha lectura colectiva e en voz alta dos capítulos 21 "O aniversario de Andrea Macarrón Groso" e 22 " Unha carta reveladora".

Por fin, descubrimos que Zoel é un neno san, saíu do hospital e xa non ten nin hipertensión nin colesterol. 

Agradecemos a colaboración de todos os compañeiros e compañeiras que, unha vez ramatado o libro nas súas aulas, organizaron estupendas e fabulosas sesións de contacontos.

A lectura deste libro foi moi valiosa, pois permitiunos entender que determinadas condutas poden ser prexudiciais para a saúde, valorar a importancia do que un ten e, o máis importante, descubrir a lectura como unha fonte de entretemento e diversión.

Hora de ler... Gordiño Recheo

A piques de rematar o libro de "Gordiño Recheo", hoxe na aula de 1º e 2º de Primaria gozamos dunha sesión de animación á lectura organizada polos compañeiros e compañeira de 4º de Primaria. 

Narráronnos os capítulos 15 "A ameaza da bruxa", 16 "A caída no burato" e 17 "Un final terrible". Coma sempre, escoitamos moooi atentos todo canto lle ocorreu a Zoel nestes relatos. Contáronnos que o pobre rapaz, escapando do que cría que era a Bruxa do Ollo Verde, caeu nun burato, mancouse e quedou encaixado dentro. Agora agarda nel a que o atopen...

Despois da lectura, chegou a quenda de preguntas sobre os feitos acaecidos que, entre todos, respondemos sen dubidar.

Moitas grazas Sergio, Yaiza e Ariadna por este momento de lecer!!!

A dicir verdade, isto ponse mooooi interesante. Imos ver como se arranxa toda esta historia de Zoel...