O pasado luns, os alumnos de 5º e 6º de primaria, tivemos unha xornada de plantación no monte veciñal de Lourizán, éste era o producto final dun pequeno proxecto iniciado na clase de ciencias.
Comezamos esta andaina cunha charla no noso cole por parte dun profesor da Escuela de Capataces Forestales e dun membro da Comunidade de Montes de Lourizán, nas que nos informaron sobre a importancia das árbores e dos bosques, así coma do significado dos montes veciñais.
Tamén vimos o documental: "Siete Caminos. Encrucijada del Tiempo".
Aproveitando as clases de lingua, investigamos sobre o nome científico e o común galego das distintas especies de árbores, a maioría de froitos silvestres. A continuación, fixemos un taller de serigrafiado no que elaboramos carteis cos distintos nomes das árbores e o nome de cada alumno que o plantou, todas elas autóctonas, contribuindo así a biodiversidade do monte dun xeito responsable.
Chegado o día, os alumnos da Escola de Capataces Forestales exerceron de monitores dirixiron a plantación no Monte de Veliñas, sendo uns dos miradores máis fermosos preto do noso colexio.
Para finalizar esta xornada, visitamos o complexo rupestre do Pornedo, proxecto arqueolóxico que comeza a súa andaina na nosa zona.
Foi unha auténtica xornada de concienciación medioambiental!!
No hay comentarios:
Publicar un comentario